4

കൊച്ചി: പെരുമ്പാവൂര്‍ ഒക്കലില്‍ പച്ചക്കറി കട സാമൂഹ്യവിരുദ്ധര്‍ തീയിട്ട് നശിപ്പിച്ചതായി പരാതി. ഒക്കല്‍ ആലിന്‍ചുവട്ടിലുള്ള അരീക്കല്‍ പൗലോസിന്‍റെ കടയാണ് കത്തി നശിച്ചത്. രാത്രിയാണ് കടയ്ക്ക് തീപിടിച്ചത്. കട പൂര്‍ണമായും കത്തി നശിച്ചു.

കടയോട് ചേര്‍ന്ന് ഹരിതകര്‍മ്മസേനയുടെ ചാക്കുകെട്ടുകള്‍ക്കും തീ പിടിച്ചു. സംഭവത്തില്‍ പൗലോസ് പെരുമ്പാവൂര്‍ പോലീസില്‍ പരാതി നല്‍കി. തന്നോട് ആര്‍ക്കും ശത്രുതയില്ലെന്നും തന്‍റെ ജീവിതമാര്‍ഗമാണ് കത്തി നശിച്ചതെന്നുമാണ് പൗലോസ് പറയുന്നത്.